قصة شاكر وحسنا بقلم ديدا الشهاوي كاملة

يفطر معايا هعرف انه قبل شروطي واللي منزلش ياخد بعضه من ساكت ومشفش وشه وينسي انه من عيله ابو المجد 
وهنا قام الجد
_تصبحوا علي خير
الكل كان معترض وكل واحد طلع علي اوضته وهو مش عارف هيعمل ايه لو رفض شروط جدهم
في اوضه شاكر وحسنا وشاكر اللي كان متعصب ومتوتر من تصرفات جده 
_انا بجد تعبت بيمسكنا من ايدنا اللي بتوجعنا الفلوس بيتحكم فينا عشان الفلوس 

_خلاص ارفض مدمت زعلان اوي 
_انتي برده كده ليه انتي ناسيه الشرط
المهم بتاعنا الحفيد ياهانم 
_والله دي مشكلتك 
_انتي تافهه وملكيش راي ومحدش يعتمد عليكي 
_هنغلط تاني ولا اي انا اصلا مش عوزاك مش عاوزه اعيش معاك
امشي مدمت مش عجبك وهقولهم انك رفضت وسافرت
_هسافر ازي وهو اللي متحكم في الفلوس
في اوضه ناديه وكان معاها اولادها
_جدو دا مفتري بيعمل فينا كده ليه انا بكرهه بكرهه عاوزه اسافر لبابي 
_اهدي يانانو جدو بيحبنا ولو سمعنا كلامه هيغرقنا فلوس وهنعمل اللي احنا عاوزينه 
وهنا سولي كان مضايق 
_انا همشي وهسافر لبابا خليكوا انتم لو عاوزين 
وهنا ناديه امه 
_ياعبيط انت تقدر تبقي الكل فالكل وجدو يحبك وهتاخد عينه مش فلوسه بس 
_ازي ياماما انا بجد مخڼوق من شرطه دا 
_اهم حاجه نوافق علي اللي هو عوزه انكم تتعاملوا مع اولاد خالكم ادمه بحب وانكم اخوات 
ومن وراه اعملوا اللي انتم عاوزينه فيهم
وهنا ناديه قربت من سولي
_انت بقي لو اقدرت تخلي حسنا حبيبه جدها تتشد ليك وتحبك 
_ازي دي متجوزه شاكر 
_انت بشطارتك توقعها فيك وتخليها تكرهه شاكر وتطلب منه الطلاق هتكون حطيت فلوووووس جدك كلها في جييك
نكمل بكره
بارت_8
جيم_اوڤر
فيلا شاكر ابو المجد
في نهار جديد... وصباح جديد
وعلي سفره الفطار كان الجد شاكر مستني اللي هيفضل وهيوافق علي شروطه 
اما في اوضه شاكر وحسنا كانت حسنا نايمه وشاكر قاعد علي الكرسي ويعتبر منمش خالص من التفكير يوافق ولو وافق يبقي كل طلبات جده تتنفذ ولو رفض يبقي هيشتغل شحات في امريكا ولا هيعرف يكمل دراسته من كتر التفكير شاكر صدع وربط دماغه بمنديل حسنا صحيت من النوم واتخضت من منظر شاكر 
_صباح الخير ياشاكر 
_صباح الزفت علي دماغك 
_ومش حرام اللي احنا فيه
وهنا حسنا قامت واتعدلت
_ وانت رابط دماغك زي ستوته كده ليه
_مصدع ومنمتش من التفكير 
_خلاص عزمت علي السفر ورفض شروط جدي 
_معرفش.. 
_ااه قبل ماتسافر تطلقني عشان اشوف حالي 
وهنا حسنا قامت دخلت الحمام وشاكر مستغرب من برودها
في اوضه ناديه او جناح اوضتين مفتوحين علي بعض 
_ها يا ولاد فكرتم كويس في اللي قولته امبارح
_ايوه ياماما عندك حق المهم فلوس جدي واكسب رضاه وعشان اكسب رضاه اوقع حسنا في حبي 
وهنا نانو قامت ومكنش عجبها تفكير مامتها واخوها 
_احنا نفضل بس بلاش سولي دعوه بحسنا هي متجوزه شاكر ياجماعه وبيحبوا بعض بلاش نخرب عليهم
_بنت افكارك لنفسك واعملي اللي بقولك عليه 
_اووووف حاضر
الكل جهز واستعد للنزول ناديه واولادها اول ناس كانت علي السفره 
_صباح الخير يابابا 
_صباح الخير يابنتي 
وفي نفس واحد سولي ونانو
_صباحوا الخير ياجدو
_صباح الخير ياحبايبي... كده افهم انكم وافقتم علي شروطي 
_طبعا يابابا هو احنا لينا غيرك 
وفي نفس واحد سولي ونانو.. طبعا ياجدو
بعدها نزل احمد والد حسنا وبعدها سميره والده شاكر والكل مجتمع ومنتظر حسنا وشاكر قاعدوا منتظرين ربع ساعه وكان سولي فرحان ان شاكر هيمشي وهيكسب حب جدوه 
وبعدها نزلت حسنا وهي عيونها في الارض 
_صباح الخير ياجدو
_صباح الخير ياحببتي فين جوزك
_رفض ينزل 
وهنا حسنا قعدت علي السفره
الجد شاكر كان مضايق 
_خلاص اللي اقبل شروطي اهلا بيه في حياتي وكل مااملك ليه اتفضلوا افطروا 
وهنا قاطعهم شاكر 
_وااانا.... اناااا انااا جيت اهو 
وهنا حسنا اټصدمت عشان شاكر غير رايه
_الله انت غيرت رايك ولا ايه
_انا راي ايه اللي غيرته يابت.. متصدقهاش ياجدي البت مفكراني عشان كنت قاعد ومنمتش اني رافض
_انا ياااكداب... علي فكره انا مش بكدب 
_يابت كنت بهزر وهنا شاكر جري قعد جنب مراته حسنا 
وطبعا اللي اضايق سولي عشان الحړب مين يكسب جده في صفه 
الجد شاكر ارتاح لما شاف شاكر 
_خلاص ياشاكر المهم انك نزلت ياعني وافقت 
_ااه وافقت وعشان افطر كمان لحسن جعان اوي 
_وايه اللي انت رابط بيه راسك 
_اصل ياجدي كنت مصدع ومعرفتش انام
هنا الاسره بدات تفطر والكل كان بيتكلموا مع الجد شاكر الا.. شاكر كان مشغول في الاكل 
الجد شاكر كانت عيونه علي شاكر وحسنا 
_طب ياشاكر انت وحسنا

بالنسبه لشرط التاني 
هنا شاكر شرط تاني ايه بس اهدي كده علينا 
_الحفيد ياولد 
_حاضر من عيني... سامعه ياحسنا اتجدعني بقا 
الجد شاكر... 
يخيبك راجل هي عليها كله ولا اي
بعد ماخلصوا الفطار والجد قاعد معاهم 
ها ياولاد انا عاوز افتح صفحه جديده لينا كلنا مش عاوز حد يكون زعلان من حد 
_نانو اعتذرلي لاخوكي شاكر 
_يااجدو... 
_ها احنا اقولنا اي الشهرين هتعملوا اللي انا عوزه وتحبوا بعض 
_حاضر ياجدو
_وهنا نانو بصت لشاكر... سوري شاكر 
_ماشي مش زعلان منك عفويت عنك 
_ شاكر.. لا خلاص انا مسامح اصلي متوضي 
_الجد... اقومي يلا سيبك منه
نانو قامت وقربت من شاكر وكانت قصده تدوس علي صابع رجله بجزمتها 
_اااه اخ... رجلي... رجلي كل دا كعب الواحد كان زمان عارف الكعب ورا هما عملوا كعب ادام كمان 
_نانو بخبث... اااه سوري ياااشاكر
وهنا الجد شاكر بص لسولي وشاكر
_ااه براحه ياسولي هتكسر ضلوعي 
_اااه ظهري حاسب في اي اختك رجلي وانت ظهري
يلا عيشوا وقضوا وقتكم وعاوزكم تحبوا بعض وتخافوا علي بعض
الكل سمع كلام الجد شاكر وكل واحد قعد في المكان اللي عوزه 
والكل اختار البسين وقعدوا فيه 
وهنا سولي وشاكر لوحدهم
_بقولك ايه الكلام اقدام جدي بس بس عارف لو مديت ايدك
علي اختي مره تانيه هعرفك شغلك 
_الكلام دا ليا... شوف اختك هي اللي غلطت 
_انت اللي غلطت ومتعرفش تتعامل مع البنات وبحسك غشيم 
_ماتحترم نفسك انت بتكلم الاكبر منك 
وهنا الجد كان داخل عليهم فجاه سولي 
وهنا اول ماجدهم دخل 
سولي بعد شاكر واللي كمل شاكر انت عيل مچنون وفاضي 
وهنا شاكر زء شاكر ووقعه في البسين 
_اااه... يابن العبيطه
وهنا سولي جري ودخل المكان.. وشاكر بېخاف من الميه 
_الحقوني... بغرق ... حد يلحقني 
الكل جري عليه وسولي عامل انه هينقذه واقلع تشيرته ونط في البسين ووهو بيطلعه 
_ها هتلم نفسك من ناحيتي وايدك مشفهاش علي اختي 
_طلعني بس استاذ سليم 
وهنا سليم طلع شاكر واللي كان بيرتعش 
الجد شاكر... شوفت ياشكوره سليم مطقش يشوفك بتستنجد ونزل ينقذك 
_ااه شوفت كتر خيره والله... وهنا شاكر بص لسليم شكرا ياحبيبي
الكل طلع اوضهم وشاكر كان بيرتعش وبيعطس 
_ايه ياشاكر نطه بسين تعمل فيك كده امال لو كنت بټغرق في بحر 
_ياشيخه الملافظ سعد.. هتتتتتتش 
_يرحمكم الله
شاكر نام وحسنا زهقت تقعد في الاوضه لوحدها نزلت تقعد تحت معاهم
واول مانزلت لاقت سولي ونانو قاعدين علي النت 
_بتعملوا ايه
_مافيش قاعدين بنتسلي علي النت 
وهنا نانو امال فين شاكر 
_نام شكله خد برد
_سولي... دا شكله طيب اوي بهباله
_حسنا... پغضب سليم متتكلمش علي شاكر كده... وهنا قامت بره في الجنينه وشاكر طلع وراها
_اسف ياحسنا مش قصدي حاجه.. بس الصراحه انتي خساره فيه
_تاني ياسليم... 
_خلاص سوري مش هتكلم
_مبسوطه ياحسنا مع شاكر 
_ياعني... لسه بنعرف بعض 
_بجد انتي تستحقي كل حاجه حلوه
_شكرا ياسليم
_وهنا حسنا عن اذنك انا طالعه 
__لسه بدري خليكي 
_لا هنام تصبح على خير 
وجرت حسنا علي اوضتها واول مادخلت سامعه شخير شاكر 
_ياربي دا دكتور ازي عاوزة افهم
الكل دخل اوضته ينام وفي الفجر شاكر قلق واللي كان نايم من بدري وحس بالجوع وفعلا قام ونزل تحت في المطبخ وفتح التلاجه وقعد علي تربيزه المطبخ 
سولي كان لسه صاحي وشاف شاكر نزل علي المطبخ بسرعه طلع اوضته وجاب وش عفريت سولي كان بيحب يعمل مقالب في اصاحبه
ولبسكله اسود في اسود ولبس وش العفريت ونزل يتسحب في المطبخ وشاكر كان ناسي نفسه في الاكل 
وسليم قرب علي تابلوه الكهربا وفصل كهربا الدور اللي تحت وبقت الدنيا ضلمه
في المطبخ 
_الله حبكت النور يقطع دلوقتي وانا باكل هكمل اكل ازي بس ولا هطلع اوضتي ازي 
وهنا شاكر قام يدور علي اي شمعه والدنيا كحل ويحسس في الادراج ونور كشاف موبيله وبعد معاناه لاقي شمع وبيولعه 
_اخيرا لاقيت شمع هولعه بقي واطلع اوضتي بقي.. اهولاقيت كبريت الحمد الله 
_اااااااه الحقوني.......... الحقوني
بارت_9
جيم_اوڤر
_الله حبكت النور يقطع دلوقتي وانا باكل هكمل اكل ازي بس ولا هطلع اوضتي ازي 
وهنا شاكر قام يدور علي اي شمعه والدنيا كحل ويحسس في الادراج ونور كشاف موبيله وبعد معاناه لاقي شمع وبيولعه 
_اخيرا لاقيت شمع هولعه واطلع اوضتي بقي.. اهولاقيت كبريت الحمد الله 
_اااااااه الحقوني.......... الحقوني... وفجاءه طلع يجري علي السلم في الضلمه وهو مش شايف حاجه وكل شوي يتكعبل علي السلم لغايه ماوصل اوضته.. وبسرعه دخل جنب حسنا في السرير.. وهو مړعوپ ومعرفش ينام 
وفجاءه قام واتعدل وبدا يندب حظه 
_ااا ياااني....

اااه ياخرابي... هي العفاريت جات ورايا ولا اي... عاوزين مني ايه بالظبط انا في حالي والله
حسنا كانت نايمه وحست بحد بيعدد علي حظه والتفتت ولاقيت شاكر جنبها وقاعد يولول علي روحه وعلي حظه.. قامت واتعدلت 
_مالك ياابهانه زرعتي طلع 
_اتريقي... اتريقي.. ماهوانتي مش فالحه غير في كده 
_في ايه شاكر... 
_نزلت اكل عشان جوعت.. اقولت اشوف حاجه اكلها.. وانا باكل لاقيت فجاءه النور قطع.. وجيت اۏلع شمع وانا بولعه لاقيت عفريت في وشي.. الشمعه وقعت مني وطلعت اجري في الضلمه لغايه ماجيت الاوضه
_نور اي اللي قطع سلامه نظرك ياحبيبي انت مش شايف التكيف شغال اهو 
_ااه صح مايمكن قطع وانتي محستيش 
_لا كنت حسيت بالحر لو النور قطع 
_ياعني ايه... 
_ياعني تهيئات ياحبيبي... بلاش تتقل في الاكل... وبعدين احنا مش اتعشينا 
_جوعت ياستي... جوعت چريمه دي كمان
_لا بس بتجي علي دماغي انا بسبب تهيئاتك... تصبح على خير نام ياشاكر 
شاكر فضل صاحي ... بيفكر في كلامها.... لغايه ماغلبه النوم
في نهار جديد
الجد شاكر كان مبسوط ان احفاده واولاده معاه وانه بيقرب بين احفاده..
_شاكر انت صحيت امتي مش عوايدك 
_من ساعه ياجدي.. ونزلت الجنينه اشم هوا الجو حر اوي وهنا الجوحلو 
_عامل ايه ياحبيبي مع مراتك... 
_مراتي مين.. 
_ناعم ياخويا.... انت رجعت تستهبل 
_لا افتكرت كويسه ياجدي 
_والله كل بعقلي حلاوه 
_مش انت عاوز تسمع كده اديني بقوله
_ياحبيبي مش عاوز اسمع المهم يكون حقيقه
وهنا شاكر سرح شويه... وبص لجده 
_ممكن اسالك سؤال ياجدي ومتزعلش 
_اقول ياحبيبي انت عارف كل احفادي كوم وانت كوم 
_انت ليه جوزتني حسنا 
_عشان هي بتحبك من صغرها متعلقه بيك... وحتي لما سافرت كانت بتبقي في عيد وانت بتتكلم مكالمه او تجي زياره وتمشي 
حسنا اتحرمت من امها ومعندهاش اخوات... فكنت لازم اجوزها ليك عشان انت حنين عليها وكمان بتحبك
_طب ورايء مش مهم ليك مجتش سالتني موافق ولا لا... بحبها
ولا لا... بفكر في الجواز من اساسه ولا لا
هنا الجد... بص لشاكر وكمل
_حسنا بنت عمك وهي بټموت فيك ومش شايفه غيرك وهي اللي هتخليك تهتم بنفسك وتدي لعقلك اجازه وتشغل قلبك 
وهنا الجد شاكر قام... وطبطب علي كتف شاكر 
_اللي بيحبك هيفضل يحبك