دعني احطم غرورك المنتظرة

ان شاءالله
عز اعفيني يا عمي
حسين مصرا لأ مافيش اعذار تعالى انا اللي هوصلك يالا يا جانا وغيري اللبس ده
جانا مافيش داعي يا انكل هقلعه في البيت عشان منتأخرش
عز هامسا لجانا حسابك تقل معايا وانا لو صبري نفذ محدش هيحوشني عنك!!
جانا هو انا عملت حاجة يا عزوووز
عز عزوز
جانا بدلعك يا دغووف
ثم أسرعت الخطى من أمامه حتى لا ېقتلها ....
وانطلق الجميع نحو منزل حسين الدمنهوري حيث الغداء المفتخر الذي اعدته سهير و............
..........
نودي قصة ... دعني أحطم غرورك !!
الحلقة العشرون 
وانطلق الجميع نحو منزل حسين الدمنهوري حيث الغداء المفتخر الذي اعدته سهير ..
سهير يا جانا بسرعة غيري هدومك وحصليني ع المطبخ
جانا بخبث شور أنطي .. يا معين يا رب
تم اعداد مائدة الطعام واجتمع الجميع حولها
حسين مد ايدك يا بني وكل كويس انت داخل على جواز
عز حاضر يا عمي عندك حق انا داخل على بلوى قصدي جواز
جانا كل كل ماهو أكل ومرعى وقلة صنعة
عز ياساتر عليكي دايما تسمي بدني بكلامك
جانا طبعااااااااااا .. وانا ورايا ايه غير كده ... عن اذنكو هاروح ال
انصرفت جانا وذهبت إلى الحمام وجلست بداخله تضحك
جانا ده انت هتتنفخ الوقتي ههههههههههههههههههههه
بدأ عز الدين يشعر بنغزة صغيرة في معدته فحاول تجاهل الآلم ولكن ازداد المغص تدريجيا وشعر بحاجته الملحة لدخول الحمام فورا
عز معتذرا بعد اذنكو يا جماعة هو فين الحمام
حسين مالك يا بني 
عز هو لحد الوقتي ماليش بس لو استنيت أكتر من كده هتحصل حاجات مش لطيفة
حسين اتفضل يا بني الحمام على شمالك
عز مسرعا ش...
شكرا يا عمي ربنا ميوقعكش في ضيقة
طرق عز الدين على باب الحمام حتى تخرج جانا ولكنها رفضت الخروج
عز افتحي يا حاجة
جانا تؤ .. مش فاتحة
عز يا بنتي الله يهديكي افتحي همووووووووت
جانا طب وانا مالي ماتموت
عز كان يوم اسود يوم ما شوفتك افتحي وإلا هكسره
جانا انت اټجننت انا مش فاضية بستحمى
عز همووووووووووت الله يحرقك
وهنا جاءت سهير مالك يا بني انت لسه مدخلتش
عز يا طنط جانا مش عاوزة تفتحلي الباب
سهير افتحي يا جوجو عيب خلي عز يدخل الله انتي مش عندك حمامك
جانا الله يا أنطي قربت أخلص اهوو
سهير افتحي وإلا هخليه يدخل في حمامك
جانا وهي تفتح الباب اتفضل خش
عز متوعدا حسابك مش بس تقل ده زاد وغطى واللهي لهطلعهم عليكي اوعي من وشي
جانا تبتسم هييييييييييح .. شفاكم الله يا استاذ عز ههههههههههههههههههههه
كانت جانا قد وضعت ملين في الطعام
الخاص بعز مما جعله يعاني من ويلات الدخول للحمام مرارا وتكرارا .. حقا لقد كانت عزومة ال الخير 
..........
في اليوم التالي طلب يوسف الكيلاني من صديقه حسين أن يأتي هو وأسرته إلى فيلتهم لقضاء اليوم معهم ووافق حسين 
يوسف خلاص هنستناكو متتأخروش بقى وعز هيخلص الاجتماع بتاعه وهيجي أوام
حسين حاضر يا جوو ع الساعة

3 هنكون موجودين وكمان تكون سهير والبنات لبسوا وهتلاقونا عندكووو
يوسف احنا في انتظاركو تجوا بالسلامة
حسين ان شاءالله
استعدت عائلة حسين وارتدت جانا ملابس كاجوال جينز اسود تي شيرت رمادي بينما ارتدت دينا فستان باللون الأصفر .. واطمئت سهير أن جانا لا تحمل اي اسلحة دمار شامل حتى لا تفسد الأجواء هناك
في تمام الساعة الثالثة كان الجميع متواجد عند الفيلا
عايدة اهلا وسهلا بيكو نورتونا في بيتنا المتواضع
سهير بسم الله ماشاء الله الفيلا شيك وذوقها راقي
عايدة ده ذوقك يا سهير هانم
يوسف ازيكو يا بنات عاملين ايه 
دينا fine يا انكل
جانا مية مية
دينا انكل يوسف اومال فين عز
يوسف وراه شغل هيخلصه بسرعة ويحصلنا
دينا وهي تغمر لجانا مش هيتأخر عنك يا جميل
تجاوزت الساعة الخامسة ولم يأتي عز إلى موعد الغذاء واعتذر هاتفيا لوالده عن عدم حضوره وذلك لانشغاله بمناقشة تصميم هام لأحد المشاريع مع مستثمر عربي
يوسف معلش يا جماعة هناكل احنا مش هنستنى عز هو اما هيخلص هيحصلنا لأحسن وراه شغل كتير
عايدة بجد سوري يا جماعة ع الفصل البايخ ده
حسين ولا يهمكوا عادي اما يخلص يجي واحنا لسه اعدين
سهير متقوليش كده يا عايدة هانم ..
عايدة اتفضلوا حضراتكوا ع السفرة
تناولت العائلتين الطعام وجلسوا يتسامرون ويتبادلون الأحاديث والذكريات..
عايدة لجانا ها يا حبيبتي مبسوطة
جانا أه يا أنطي عايدة
عايدة قوليلي أنطي ديلة
جانا وهي تبتسم حاضر
عايدة بلؤم منفسكيش تشوفي اوضة عز
جانا هاه ... لأ يا أنطي
عايدة متكسفيش يا حبيبتي youre his wife .. ده انتو كاتبين الكتاب يعني من حقك تشوفي اوضته وحاجته وتتعرفي أكتر عليه والأهم من ده كله تقربي منه
جانا أهااا .. بعدين يا أنطي
عايدة باصرار لأ احنا فيها يالا اطلعي فوق هتلاقي اوضة عز
جانا مستسلمة اوك
استأذنت جانا وقررت أن تصعد إلى غرفة عز لعلها تجد فيها مبتغاها حيث ټنتقم منه
عايدة ايه رأيك يا سهير هانم مش كده احسن
سهير وهي تضحك ايوووه ربنا يخليكي يا عايدة هانم بجد مش عارفة اقولك ايه اهم حاجة اننا نقرب بينهم مش هيفضلوا على طول ناقر ونقير
عايدة بالظبط كده يالا نقوم نقعد في الجنينة
سهير يالا بينا
وانطلقت العائلتين لتقضي باقي الأمسية في الحديقة الخلفية للفيلا
صعدت جانا إلى غرفة عز الدين واخذت تتفحصها
جانا والله ذوقك مش بطال .. رغم انك وقح بس عند ذوق .. ايييه ده وبتلعب ملاكمة كمان .. ممممم اما نشوف ايه تاني اللي مخبيه يا عز باشا ... ايه اللبس ده كله ايه رأيك لو ضربنالك فيه مقص D D
ثم أخذت تدندن كان طيب كان حنين ...!! بس كده بقى تماااااااااااااااااام اوي !!
وبينما كانت جانا تتفحص أدراج المكتب الخاصة بعز إذ به يفتح باب غرفته ليتفاجيء بوجود جانا بها
عز اللهم صلي ع النبي انتي بتعملي ايه هنا
جانا بتوتر مافيش امك قصدي انطي عايدة قالتلي اطلع اجيبلها .... اجيبلهاااا.... اه الدوا بتاعها
عز باستغراب وهو يضع أوراق التصاميم على الفراش من أوضتي
جانا أه من اوضتك ايه في ايه عملت چريمة يعني
عز بصي أنا مش فايقلك ودماغي مصدعة ع الأخر وعفاريت الدنيا بتتنطط في وشي .. قولي بتعملي ايه هنا وبتفتشي عن ايه في ادراجي 
جانا ماقولتلك مش بعمل حاجة الله !
عز يا شيخة قولي كلام غير ده
جانا والله براحتك عاوز تصدق تصدق مش عاوز اتفلق!!
عز بضيق اللهم طولك يا روح.. اقولك امشي غوري بره اوضتي
جانا يعني بتطردني من الجنة ياخي
عز صبرني يااااااااااااااااا رب
جانا وهي تمسك ورق التصاميم ممممم وده ايه بقى ان شاء الله
عز بضيق بت انتي سيبي الورق ده من ايدك
جانا وهي تنظر للورق بخبث مممممم الظاهر عليه ورق مهم ...
عز بقلق اوعي تعملي اللي
بتفكري فيه ... انا بحذرك ماشي
قامت جانا پتمزيق ورق التصاميم بكل برود أمام أعين عز الذي كادت عيناه توحي ببركان على وشك الانفجار 
عز يبقى انتي الجانية على نفسك 3
توجه عز الدين لباب غرفته وأغلقه بالمفتاح وبدأ ينظر لجانا بتوعد
جانا بقلق انت هتعمل ايه افتح الباب .. أنا بقولك افتح الباب !!!! 3
.............
نودي قصة ... دعني أحطم غرورك !!
الحلقة الثانية والعشرون 
في صباح اليوم التالي وتحديدا منزل حسين الدمنهوري
حسين بقى كده يا سهير تسيبي البنت تطلع اوضة عز لوحدها
سهير واللهي يا حاج مكونتش اعرف ان عز هيجي الوقتي كل الحكاية ان امه عايدة قالتلي خلي البنت تشوف اوضة عز وتتعرف ع الحاجات اللي بيحبها كانت عاوزة تقرب ما بينهم احنا مغلطناش
حسين لأ غلطتي يا سهير شوفتي عمل ايه فيها ولو مكانتش جانا واعية كان ممكن حصل الأخطر من كده
سهير ماهي مراته
حسين لأ لسه يا سهير مافيش اشهار واعلان قصاد كل الناس انها دخلة
سهير طب والعمل ايه
حسين العمل عمل ربنا هتكلم مع يوسف وابنه ونشوف هنلم الليلة ازاي
.....
استيقظ عز الدين ومازال يشعر بالآلم ونظر إلى عينيه فوجداها مازالت حمراء وطرق والده باب غرفة الضيوف ليتحدث معه ..
عز ااااااااااااااه مش قادر
يوسف انت صحيت

يابني
عز أيوه يا بابا اتفضل
يوسف فايق نتكلم
عز اه
يوسف ها ناويت على ايه 
عز في ايه
يوسف في اللي حصل امبارح
عز اها خير ان شاء الله سيب انت الموضوع عليا يابابا انا مش صغير وهكلم عم حسين
يوسف عز !! قولي ع اللي بتفكر فيه مش ناقص مصېبة انا عاوز ألم الليلة !
عز مقبلا جبين والده اطمن والله يا بابا.. انا هعدل المايل تعالى بس اروح اوضتي اجيب لبسي عشان ألحق أجهز
وبالفعل توجه الاثنان إلى غرفة عز ثم فتح دولابه واذ به يرى .......
عز ايييييه ده
يوسف في ايه
عز بص يا بابا شوف الهانم عملت ايه 
يوسف متفحصا ملابس عز ههههههههههههههههههههههه لأ جبارة الصراحة
عز مغتاظا بتضحك يا بابا البس انا ايه الوقتي طب بص والنبي شوف البنطلون بقي بشراشيب !! دي ماسبيتليش حاجة البسها الله يحرقها
يوسف ضاحكا ههههههههههههههه نيو لوك يا بني ههههههههههههههههههههه ماله البنطلون ده حتى مكيف !
عز بتهزر لأ وبتدافع عنها كمان يا بابا ... !!! الصبر طيب.. ياااااااااااااااا رب صبرني وماقتلهاش
.......
دينا يالا يا جوجو نروح النادي نغير جو
جانا مش عاوزة
دينا متبقيش silly ده انا مصدقت ان موضوعك حصل عشان دادي يوافق اننا نخرج
جانا اه ماهي جاتلك ع الطبطاب.. مصلحة يعني
دينا شووور .. يالا بقى والله هتتبسطي
جانا اوك .. خليني وراكي لحد ماشوف اخرتها ايش
دينا كل خير
بالفعل توجهت الفتاتين لنادي .... حيث تتواجد شلة عز الدين 
لوجي بصي بصي يا دونا !!
دارين ايه في ايه
لوجيهناك يا دونا شايفة مين اللي اعدة هناك دي 
دارين بعدم اهتمام مين يعني
لوجي oh no متقوليش انك مش عرفتيها
دارين قولي وخلصيني
لوجي جانا !! البنت اللي
خطبها زيزوو
دارين what هي جت هنا كمان !! يالا تعالوا معايا
ياسمين ناوية ع ايه يا دودي
دارين تعالوا وهتشوفوا
لوجي وااااو .. lets have fun
وبالفعل جاءت دارين وبصحبتها لوجي وياسمين ووقفن أمام منضدة دينا وجانا
دينا بصي ع الانستجرام الصورة دي
جانا حلوة بس دي أحلى
ثم نظرت جانا لمن يقفن أمامها 
جانا خير عاوزين حاجة
دارين بتعالي يييس عاوزين ال table دي
جانا اها بس ال table دي لامؤاخذة مش فاضية
دارين يبقى تفضى ...
ثم أشارت لكلا من لوجي وياسمين لأن يدفعن دينا وجانا من مقاعدهن
جانا جرى ايه يا ولية 
دارين بقرف ولية ... ياااي سوفاج
جانا غوري من وشي بدل ما اخليكي تصطبحي
دارين انتي مش عارفة انا مين
جانا وهو كل حد يجي يكلمني يقولي انتي مش عارفة انا مين يخربيت كده انا زهقت
دارين ماهو انتي local و كمان vulgar فهتعرفي الناس ال class ازاي
جانا ايوه ايوه انا افتكرتك.. انتي اللي علمت عليكي بالشربات
دارين ما انتي لو بنت اصول وذوات هتعرفي تتعاملي ازاي مع الناس الأعلى منك !!
جانا انت بتهزئيني بقى
دارين yes of course
جانا خليكي فاكرة انتي اللي بدأتي 
وهنا قفزت جانا فوق دارين وأسقطتها على الأرض وكالت لها باللكمات