رواية كاملة بقلم ايمان حجازي

هو قاله ولا لا !! 
اعمله مفاجأه واقوله انا 
ابتسمت هدي في رضا وقالت ماشي يا حبيبتي انا هشوف كده حمدي واقوله ميقولهوش لاني حاسه ان عبدالله لسه ميعرفش برضه 
رحاب پخوفربنا يخليكي ليا يا ماما 
ثم انتبهت لامر هام واضافت ماما في واحده صاحبتي جايه كمان شويه ياريت تدخليها ليا علي طول 
الحاجه هدي بإيماء من عنيا يا حببتي حاضر اقوم بقه انا احضرلكم لقمه تاكلوها انتي وصاحبتك 
تسلميلي يا ماما متشكره 
وبعد ان خرجت هدي تنفست رحاب الصعداء فهي لا تريد معرفه عبدالله بالامر الي ان تتحدث مع صديقتها وتفكر في حل ثم قامت بالاتصال بها لتعلم اين هي ومتي ستصل 
اي اللي انتي عملتيه ده يا مرام احرجتيني !
قالتها يمني داخل المطبخ في حين ازدادت مرام في الضحك انا مش متخيله ان في صدف كده 
يمني بضحك قصدك في خيبه اكتر من كده ! 
مرام بتأكيداه معاكي حق فعلا هو حلو وشغل اجانب ليكي حق تعجبي بيه 
يمني بتحذير مرام انتي عارفه اني بهزر طبعا مش معجبه بيه ولا حاجه ده اساسا رخم كده ودمه تقيل  
مرام ههههههه ميكيس دمه تقيل !! انتي فعلا متعرفهوش
يمني بحيره وانتي يعني اللي تعرفيه وبعدين ايه ميكيس ده اسم كلب ولا إيه
مرام بضحك شديد هههههههههه اه اعرفه بس مش كتير برضه لكن هو محترم وظابط واجتماعي كده اما بقه ميكيس فده مش أسم كلب ولا حاجه دي حكايه لوحدها هبقي احكيهالك لانك لسه متعرفيش كتير عني  
يمني بضحك يعني ميكيس ده اسمه !! 
مرام ايوه أسمه بس أسم حركي لكن اسمه الحقيقي ادهم هبقي احكيلك كل حاجه المهم دلوقت نعمل نجهز اكل كويس عشان الغدا لان والله اعلم كلنا هنتغدي مع بعض النهارده 
اسرعت يمني في ذعر اي ده !! لا لا لا بصي ناكل انا وانتي لوحدنا وهما لوحدهم يا ستي انا معنديش استعداد اشوفه تاني  
مرام ههههههه يا بنتي هو هيعضك ثم اني مش باكل غير جنب عبده بقه وان كان عاجبك
يمني بزعل مصطنع اي الدلع ده !! خلاص يا ستي مش هاكل انا وهروح بيتنا اكل هناك 
مرام يمني كبري عقلك بقه وان كان عليه متكلمهوش خالص 
وبالفعل وافقت يمني علي ذلك وانها لن تتحدث معه علي الاطلاق 
اما عند عبدالله وادهم 
خير يا ادهم ! كنت عايزني في ايه !
قالها عبدالله ف انتبه له ادهم وردد في هدوء مش عارف ابدأ لك منين يا عبدالله لكن انا فرحان جدا ان انت ومرام علاقتكم ببعض كويسه وشايف حب كبير بينكم وبجد متمني ان مفيش حاجه تفرقكم بعد كل اللي شفتوه 
تعجب عبدالله من حديثه وقال قصدك ايه يا ادهم ومين اللي يفرقنا !
اجابه ادهم بثقهسمر 
ضحك عبدالله وقال بنفس الثقهطب ما انا عارف عارف ان سمر كانت بتحاول تقرب من مرام عشاني شفت نظراتها وكلامها الكتير قوي وتلميحاتها ليا انا مش غبي للدرجه دي عشان معرفش لكن مكنتش بتكلم لان مفيش حاجه تتقال أصلا  
ثم انتبه لامر مهم وأضاف بس انت اي دخلك بالموضوع ده !! وعرفت ازاي !
اشاح ادهم بعيدا عنه وزفر في ضيق حتي انت
كمان عارف وكأن كل حاجه بتقولي اني كنت غلط لما 
عبدالله حبيتها صح !!
أدهمللأسف ايوه لكن دلوقت خلاص فعلا مبقاش ليها مكان جوايا ولا كأنها موجوده اصلا نزلت من نظري بشكل غبي لدرجه اني مش شايفها أساسا كل اللي عايز اقولهولك ان مرام صغيره ولسه عقلها مش ناضج كفايه عشان يفهم ويواجه حد زي سمر 
عبدالله يواجهه ازاي !! سمر اساسا خلاص مش هيبقي ليها علاقه بمرام تاني 
ادهم معتقدش يا عبدالله انها هتستسلم بالسهوله دي اللي انا شفته وسمعته ميدلش علي كده
عبدالله بحيره قصدك ايه سمعت ايه وشفت ايه احكيلي !!
قص عليه ادهم كل ما سمع ورأي تلك الليله وكيف خدعت مرام بحديثها الوهمي الي عبدالله في نفس الوقت الذي كان يتحدث عبدالله عبر الهاتف الي اللواء جلال وما قصته عليه حرفيا وعلي محاولتها للتفريق بينهم 
ذهل عبدالله مما سمع وهنا ادرك كل شئ كان يحدث ولماذا تغيرت مرام والكلمات اللازعه التي اردفت بها له وقرر الويل من سمر ولكن بطريقته الخاصه 
عاد ينظر لأدهم بإمتنانانا مش عارف اشكرك ازاي يا ادهم  
علي ايه يا عبدالله ! انا بس مش عايز حد قلبه يتكسر ولا يحصل بينك وبين مرام فجوه بسبب واحده زي دي 
ربت عبدالله علي يديه في ود وقال ربنا يخليك يا ادهم وان شاء الله مفيش حاجه هتحصل 
ثم ردد مغيرا الحديث يلا عشان الغداء تلاقيه جاهز دلوقت
ادهم معتذرا لا غداء ايه انا همشي دلوقت المفروض اكون في مكتبي بعد ساعه 
عبدالله بضحك متخافش هطلعك من هنا قبل الساعه ما تخلص