اسكريبت مرايتي عينك كامل بقلم ايه موسي

حياتي..كنت سرحانة فيه وخاېفة عليه نزل من غير ما أعرف رايح فين أو بشكل أصح قلقانة يعمل في نفسه حاجة.
الدنيا ليلت وبقاله ساعات فوق ساعاته بره وأنا لسه قعدة مكاني رفعت رأسي من على الترابيزة لما سمعت صوت الباب بيفتح وبعدها سكون طوويل وقفت في باب المطبخ أشوفه راح فين لقيته قاعد على الكنبة وموطي رأسه لتحت مشيت بالراحة لحد ما وقفت قدامه مش قادرة أشوفه كدا وأنا مقيدة مش عارفه أعمله إيه ملقتش قدامي غير حل واحد قعدت جنبه على الكنبه يمكن دا يخفف عنه شويه

_كان معاهم حق
طبطبت على ظهره وأنا برد عليه
_الاهل دائما شايفين اللي احنا مش شايفينه
لف ايديه حوليا وكمل
_لما روحت صرحتها ما أنكرتش وقالتلي كنت هعمل إيه ساعتها أنا مش مضطرة أكمل حياتي مع إنسان فاقد الذاكرة وممكن شخصيته الجديدة تختلف عن الشخصية اللي أنا متعودة عليها
_محبتكش
_بس أنا حبيتها
قطعت في قلبي الكلمة دي بيعترف لأكتر شخص بيحبه إنه بيحب حد تاني
_مسير الزمن يثبتلك إنك محبتهاش
وبصلي بتعجب
_بس أنا بقولك حبيتها
_متعصبتش..مغيرتش..ما كسرتش الدنيا علشان سابت وراحت لغيرك
_مش لازم أبين إني غيران علفكرة
_مش بمزاجك علفكرة..الغيرة العصبية الحب بيظهروا الإنسان ممكن يخبي كرهه لشخص بس حبه وغيرته وعصبيته عليه مستحيل
_مستحيل..!!!
_أها مستحيل
قام وقف ومن غير ما يرد دخل ينام شويه ودخلت أنا كمان وروحت أنام على السرير جنبه زي ما أنا متعودة عادي
_هتنامي جنبي كدا عادي..!!
_وفيها إيه 
للحظة شوفت ودانه احمرت ودا خلاني أخد بالي من اللي قولته!
_متأخدش في بالك..تصبح على خير
_لا ثواني كدا أنا عايز أخد في بالي 
اتكسفت جدا ووشي احمر
_صورتك دائما في خيالي
حسيته ابتسم بس إبتسامة صغيرة مش باينة بس مش مشكلة أهم حاجة إنه ابتسم.
عدا فترة مش صغيرة على كل اللي حصل وبدأ يعرف فعلا إنه محبش منى في يوم وإنها متستاهلش كل الوقت اللي ضيعه معاها وعاتب مامته على كل اللي قالته واتضايق منها لما عرف إنها اقنعته إن منى هي العروسة علشان يوافق يتجوز بس أنا اتكلمت معاه وفهمته إنها كانت بتعمل كل دا
علشان عارفه إني بحبه وإني هكون جنبه خطوة بخطوة وكل دا حصل علشان تسافر مع باباه يعمل عملية في قلبه..سامحهم بس لسه مش صافي من ناحيتهم زي الأول
_رقية هو أنا قولتلك النهاردة إنك حلوة..!!
المعاشرة الصح بتولد الحب معروفة يعني
_مممم لأ
_لا أخص عليا بجد..طب تعالي أقولك
_لا قولي هنا في المطبخ
_لازم القمر يقف قدام المرآيه علشان يعرف هو قد إيه قمر
قربت منه ومسكت ايديه
_مرآيتي عينك يا حمزة وعمري ما هشوف نفسي أجمل غير في عينك
الحب حرب مش لازم أول شخص نبص في عينيه أو يشدنى جماله يبقى هو الحبيب الحب حياة بتتعاش مع النص اللي بيتقبل الجانب المعتم بتاعك قبل الجانب المضئ الحب حلو مع شخص اختارته بكل كيانك ووجدانك
حكاوي_حمزة
آية_موسى