اسكريبت رووعة بقلم ايمان صالح
هحضر خطوبتك انا حره
ابتسم باستفزاز_ قولي بقى انك غيرانه
ابتسمت بسخريه _ وهغير ليه إن شاء الله
_عشان فضلتها عليكي
_ليه يا اخويا من حلاوتك يعني
ظبط الجرافات بتاعته _من جمالي يا بنتي
ضحكت بملل _واضح جدا يلا روح فرحك يا ابني عندي مذاكره
_طيب يلا يا هاجر عشان نمشي قدامك خمس دقايق بس
بصلي بضيق _ انا صبري ليه حدود يلا يا بنتي عشان ماما مش راضيه تيجي الخطوبه عشانك
_وانا قولتلك مش هاجي معاك
بصلي بعصبيه وعيونه احمرت هو هيتحول ولا ايه _طيب يا هاجر ربع ساعة لو ملبستيش اقسم بالله استحملي اللي هيجرالك بقى
طلع ورزع الباب وراه كائن مستفز جدا ورخم قومت لبست عشان اروح الخطوبه كده كده كنت هروح بس بحب استفزه لبست بسرعه ونزلت كان راكب ومرات عمي و عمي ركبوا معاه العربيه وهو شاورلي
في الوقت ده جت بسمله ومسكت ايدي
_تعالي معانا يا هاجر عربية حازم اخويا الجديده اركبي معانا عشان كده كده سراج هياخد عروسته معاه ومش هيكون فيه مكان
بصتلها بتفكير يلا انا اصلا مش عايزه اركب معاه
_انا هروح اركب مع بسمله
بصلي پغضب _تركبي فين اركبي معايا
عمي اتكلم_ما تركبي معانا يا بنتي
_يا عمو سراج لسه هيجيب خطيبته وهتركب معاكم ومعاها مامتها انا اركب فين
_خلاص يا بنتي روحي
ابتسمت ل سراج باستفزاز وبعدها مشيت مع بسمله وركبت معاهم العربية انا وهي ركبنا ورا وهو كان باباه راكب معاه لأن مامته متوفيه كنت قاعده في العربية انا و بسمله وبنضحك وبعدها حازم نزل من العربية ف باباه اتكلم
_ثواني يا بابا وجاي
انتظرنا شوية وبعدها جه حط شنطه جنب باباه وبعدها حط قدامنا شنطه وركب العربية بسمله خدت الشنطه وفتحتها لقيت فيها بسكوت وكيكه وشيبسي وشيكولاته وعصير وكل حاجه منها اتنين ف بسمله بصتلي وابتسمت
_هو جايب من كل نوع اتنين كل واحد ياخد واحده
_لا ده ليكي انتي بالف هنا
_بس
باباه اتكلم _ من غير بس يا بنتي يلا اتسلوا لحد ما نوصل ده لسه سراج نازل يجيب العروسه ولحد ما نوصل القاعه هياخد وقت
بصتله باحراج وابتسمت وبعدها بسمله فتحت بسكوت وعطتني كنت
ببص من الشباك وبعدها رجعت بصيت ل بسمله لحظت حازم بيبصلي في المرايا بصتله لقيته ابتسم وغمزلي برقت وكحيت و بسمله فتحت عصير بسرعه وعطتهوني وضحكت
كان وقتها قلبي بيدق وهو بيبصلي ومبتسم وصلنا القاعه وبعدها دخلنا كان سراج داخل بعروسته دخلنا القاعه ووقفنا شوية انا وبسمله بعد ما سلمنا على ملك وباركنلها كنا واقفين بنضحك وبعدها
