اسكريبت رووعة بقلم ايمان صالح
بعض بعدها رجعت بيت عمي وحاولت مبينش حاجه
_ مرات عمي احلى الستات
_تعالي يا ست هاجر ايه اللي اخرك كل ده
_ طيب هي عامله ايه وابنها
_الحمدلله بتسلم عليكي هدخل اغير واجي اساعدك
_ لا متساعدنيش يا هاجر شوفي وراكي ايه وانا خلصت
دخلت غيرت بسرعه وطلعت فعلا كانت حطت الاكل على السفره نادت على سراج و عمي وقعدوا ياكلوا فمرات عمي اتكلمت
_بالف هنا يا مرات عمي انا كلت
عمي اتكلم _ كلتي فين يا هاجر
_ كلت سندوتشات يا عمي بالهنا والشفا انتوا وانا هدخل اعمل عصير
دخلت المطبخ وطول الوقت كان سراج بيبصلي وانا مش ببصله خلصت وطلعت كانوا خلصوا اكل فحطيت العصير وشيلت السفره ومرات عمي سعدتني وطلعت قعدت جنبهم ف عمي اتكلم
ابتسمت _ الحمدلله يا عمي كويسه
_ يعني مرتاحه فيها
_ اه الحمدلله بحبها
سراج اتكلم _ على فكره بقى إعلام دي ملهاش لازمه ليكي
بصتله بسخريه _ ازاي بقى
_ يا بنتي دي محتاجه قدرات مش انتي مش بتعرفي تقولي كلمتين على بعض
اتكلمت بتحدي_ بكره تشوف هتفوق فيها ازاي وهكون احلى اعلاميه
_ظريف اوي
سيبتهم ودخلت اوضتي دايما بيستخف بيا و ب احلامي مش عارفه ليه بس بكره اوريه هعمل ايه
بعد شوية فتحت الفيس بوك كالعاده بقلب فيه واتفرج على اي حاجه جديده لقيت مسدچ على المسنجر فتحتها كان محتواها ليتني اكون بجانبك
بصيت عليها بدهشه وبعدها تجاهلتها وقفلت الموبيل وطلعت البلكونه وقفت فيها وسرحت بسراحه المكان هنا جميل في بيت عمو هو انا ليه مروحش اعيش في بيت بابا لوحدي ايه المشكله يعني حاولت مع عمو وكان رافض مش عارفه السبب ايه
قفلت الموبيل وسمعت صوت سراج برا بعدها طلبت منه يدخل فدخل وقرب وقعد قصادي
_بتعملي ايه
هز راسه بنفي _ لا مفيش بس كنت بحب واحده وحابب تتعرفي عليها عشان تكوني نقطة وصل بينا
بصتله بدهشه وابتسمت بصعوبه وانا من جوايا حاجه واحده بس يا ترى البنوته اللي حبها فيها ايه احسن مني هو انا اه مش بحبه بس ليه عايزاها هي مش انا يعني
_ غريبه مين بقى البنت دي
_ ملك بيتها في الشارع اللي جنبنا البنوته البيضه الحلوه دي
هز راسه بنفي_ مش بالظبط يعني هي بنت جريئه كده مبيهمهاش حد
بلاقيها دايما واثقه من نفسها وعجبتني
_ وانت جايبني انا عشان اساعدك
_ااه انتي
