رواية بقلم يارا رشدي كاملة

كلما اغمض عينيه راي نيره برفقه
حسام ..
نهض وهو يزفر بقوه قائلا 
ولا هعرف انام في الليله السوده دي
_ مالك يا سليم 
قالتها اشرقت وهي مغمضه عينيها وغارقه في النوم ليقول هو 
ولا حاجه كملي نومك هقوم اشوف تالا متغطيه ولا زايحه الغطاء كالعاده
خرج من الغرفه ثم وقف في الشرفه اصدر تنهيده طويله وهو يهتف 
عايزه مني ايه يا نيره تعباني معاكي وانتي قريبه وتعباني اكتر وانتي بعيده 
لم تغمض عينيها دقيقه واحده لا تستطيع النوم تتقلب في الفراش بملل وحسام كلما غفل استيقظ من حركتها تلك
واخيرآ هتف بنفاذ صبر 
هو ده الي مېته نوم بقالك تلات ساعات شغاله تتقلبي يمين شمال فين النوم 
_ مش عارفه انام
اعتدل في نومته ثم اشعل الاضاءه التي بجانبه وهتف 
طبيعي مش هتعرفي تنامي طول ما بالك مشغول وبتفكري
_ مش بفكر في حاجه
_ كدابه وستين كدابه كمان انا مش هتوه عنك طلعي كل الي في قلبك!
_ اجبلك من الاخر !
قالتها نيره وهي تجلس امامه ليقول هو 
هاتي
_ انا مش عايزه يحصل اي حاجه بينا
_ تمام معنديش اعتراض بس ليه قوليلي سبب
_ جسمي كل الناس شافته يا حسام علي النت وصحاب فادي كلهم شافوني وانا عريانه وكمان مش واحد ولا اتنين مني لا تلاته
انكمشت بجسدها هاتفه 
كلهم شافوا جسمي يا حسام كلهم
تنهد حسام وهو يقول 
مين قال ان تلاته الي منك فادي اكد ليا ان محدش غير حازم
حركت راسها بالنفي وهتفت والدموع في عينيها 
هما كدبوا عليه لما شافوا ان حازم سافر قالوا يطلعوا نفسهم منها لكن انا قريت في وررقه كانت بخط ايد فادي بيقول فيها ان صحابه كلهم 
ويكدبوا ليه هما كانوا متاكدين ان فادي مش هيقدر يبلغ ولا يعمل حاجه وحتي لو بلغ فين الدليل 
وكلمات حسام تلك لم تقنع نيره هتف حسام 
ليه جايه علي نفسك كده وبتعذبيها خلاص الي حصل حصل انا اصلا سمعت من فادي ان اتنين منهم اتخانقوا مع بعض وواحد فيهم والتاني اترمي في السچن
حازم محصلوش حاجه وعايش حياته عادي اهو
لسه عقابه جاي يا نيره انسي الي حصل وبلاش ټعذبي نفسك اكتر من كده 
انهي جملته الاخيره وهو يزيح الوساده الفاصله بينهما لتقول هي 
وانت هتقدر تنسي 
يا روحي انا ناسي اصلا الحكايه دي مش بفتكرها غير لما بتجيبي سيرتها انتي ممكن تنسيها بقي 
حركت راسها بالموافقه مرر حسام يديه علي شعرها برفق هتفت هي 
هو ممكن يكون فعلا محدش غير حازم
ايوه حازم هو الي كان عايز ياخد حقه من فادي صحابه ملهمش علاقه 
حاولت هي اقناع نفسها بكلمات حسام تلك اما هو يتمني ان لا تكتشف كدبته تلك وينتهي ذلك الموضوع في عقلها وتتسي كل شئ .
_________________________
استيقظ من نومه علي صوت رنين الهاتف تناول هاتفه ليجد سليم قام بالرد عليه ليصل له صوت سليم 
لسه نايم
_ اه ساعه كام اصلا 
قالها فادي بنعاس ليقول سليم 
واحده قولي كلمت نيره ولا لسه 
_ اكلمها ليه 
قالها فادي باستغراب ليجيبه سليم 
يعني تشوف الدنيا ايه عندها يمكن حسام يطلع مريض زيك ولا حاجه
_ لا يا راجل 
قالها فادي بسخريه واضحه ليقول سليم 
طب خلاص خلي ماما تكلمها تطمن عليها
_ ما هي كانت قدامك يا ابن الناس ومراتك كمان ومكنتش فارقه معاك ايه الي اختلف دلوقتي بقيت سكر اول ما حبت واحد غيرك 
_ اقولك الحق ومتتريقيش عليا انا نفسي مش عارف مالي في ايه لو حطيت مقارنه بين اشرقت ونيره هختار اشرقت وفي نفس الوقت مش عايز نيره تروح لحد ولا قلبها يبقي مع حد
_ دي اسمها انانيه
_ الكلام ملهوش لازمه خلاص هي دلوقتي متجوزه وبتحب واحد تاني ربنا يسعدها ويطلع حسام جدع وميكسرش

قلبها زي ما انا عملت 
قالها سليم ليقول فادي 
ربنا يهديك دايما كده
_ بس بردو خلي ماما تكلمها تطمن عليها
____________________________
وضعت الافطار علي الطاوله تناول حسام الافطار بصمت ونيره ايضآ صامته ...
_ واضح انك ست بيت هايله طبق بيض مقلي مش عارفه تعمليه
_ ماهو انا مبعرفش اطبخ مدخلتش المطبخ خالص قبل كده
_ ما شالله ومين هياكلنا احنا الاتنين علي كده !
صمتت قليلآ بتفكير ثم هتفت 
انا عندي حل لما كنت متجوزه سليم كان جايب طنط عايده علشان تقعد معايا وكده كانت بتطبخ وبتنضف