رواية جديدة قلم النعمان

دي مراتي.
بقيت بجري معاه وأنا مش فاهم حاجة والست دي اللي هي مراته بتجري ورانا إحنا الإتنين لحد ما دخلنا أوضة عمليات وقفلنا بابها كويس فضل يندب كالعادة وهو بيلطم وبيقول
_أنا عارف أنا حظي ويومي أزرق شبه لونها عارف يا استاذ طول عمري بكره اللون الأزرق لله في لله ومكنتش عارف السبب دلوقتي عرفته دلوقتي عرفته.

خلص كلامه وهو بيرمي نفسه على الأرض وقعد وربع وفضل يولول وهو بيخبط بإيديه الإتنين على راسه وطيت لمستواه وقولت بحدة وتساؤل وأنا باخد نفسي
بس إخرس هتسمعنا هنخرج من هنا إزاي لإن أكيد مش باب الي هيمنعها من الدخول مشوفتش الست التانية خلعت راس الراجل إزاي
عياطه زاد وقال پخوف
_المصيبة إني شوفت دي المصېبة تيجي ننط من الشباك
بصيت ناحية الشباك وإبتسمت بسخرية وقولت
أفكارك بتبهرني ننط من الدور الخامس بدل ما هي تق تلنا صح
بصلي پصدمة وقام بص من الشباك وقال
_القادرة طلعتنا 5 أدوار صحيح الأدرينالين مش بيحسسك بالمجهود أصل هفهمك لما الأدرينالين بيتم إفرازه بقوة ب...
قاطعته وقولت بإنفعال وڠضب وأنا بديله بالرجل في معدته
ياعم بقى إرحم أمي العيانة مش وقت مواضيعك الله ېخرب بيتك وبيتي عشان إتكلمت معاك من الأول أصلا.
مسك معدته وهو بيكح وپيتألم وقال
_ليه بس كدا يا أستاذ هتبقى إنت ومراتي عليا
على الأقل هي مراتك مش إنت ومراتك عليا.
قاطع كلامنا الباب اللي إترمى جنبنا وكانت واقفة على بابه مراته وهي مبتسمة إبتسامة شړ سمعت صوت بيزوم جنبي ولما بصيت كان الدكتور وهو موطي وماسك بطنه لسة وبيزوم بصيتله بإستغراب وقولت
_إنت بتزوم كمان
كانت مراته بتقرب مننا بشكل مخيف لقيته هيعيط مسكته من دراعه وجريت بسرعة مش عارف جاتلي منين وبقول وأنا بشده
_إنت لسة هتعيط قوم هتقطعك حتت وتعمل منك سلطة.
فضلنا نجري لحد ما طلعنا برا المستشفى كملنا جري في القرية وإحنا مش عارفين رايحين فين لحد ما لقينا إجتماع كبير لناس وقفت وأنا باخد نفسي بصعوبة وبصيت للدكتور وقولت
_تعالى نروح يمكن بيتكلموا عن المشكلة.
روحنا بالفعل وقدمنا قدام لقينا راجل عجوز قاعد على كرسي وبيتوسط الإجتماع