روايه مياده جديده كامله الاجزاء
روايه مياده جديده كامله الاجزاء
عليها و هو بيطلعه بره الجاعه بحالها بيحاول يفوقه
انت اتجنيت يا عزوز البت هاتموت في يدك
اطلع بره اطلع جدامي يلا
وجفت الدكتوره تصرخ بړعب و تجول
لاه لاه دا مش طبيعي دا كان هايموتها انا هابلغ البوليس لازام أبلغ عنه
حاولت امي تهديها و تستعطفها عشان ترجع عن كلامها و هي بتجول
احب علي يدك يا خيتي هي العاويد عندينا اكده و مافيش اصلا بوليس بيجي نواحينا اهنه
نفضت يد امي من عليها و لمت حاجاتها عشان تمشي
و الله انتو حرين بقي ذنب البت الغالبنه دي في رقبتكم انتو
انا عايزه امشي شوفي حد يخرجني من هنا
حاضر من عيني و هانوصلك لحد المستشفي كمان
خرجو من الاوضه و انا واجف عيني علي خاله فدوه اللي من كتر تعبها راحت في النوم او هربت من اللي هي فيه بنومها مع ان دموعها كانت بتجري علي خدودها
لحد ما فجاءه سمعت صوت بكاها و هي نايمة جنبها
وجفت و انا بدور علي الصوت ده جاي منين
ازاي اصلا مانتبهتش ليها انا أو أي حد منهم رفعت الغطا بيدي و كشفته عنها
كانت زي الملاك لسه مغمضه عنيها بس
وشها ابيض و مدور زي البدر في تمامه جميله شبهه امها
عمالة تأن بصوت ضعيف
بصيت عليهم ليقتهم لسه پيتخانقو
حرام عليك يا عزوز انت مش بني ادم
الله يسامحك يا خيتي مشكوره لجل جوزك اللي واجف و سامعك و انتي بتشتميني
و عايز جوزها يرد يجول ايه بعد ما كنت عايز ټموت اختها بأيدك
يا أخي ارحمني بجي و ارحم ولادي من جرك ده
انا مش بجر عليك يا نصار افهمني بجه انا لوحدي في الدنيا دي عايز ولد يسندني لما اكبر
و عايز تخلف ولد ليه يا
عزوز هاتورثهم عيشتك في الجبل
امي
انتبهو التلاته ليا و انا واجف و هي علي يدي بتصرخ جريت امي عليا و اخدتها من ايدي و زعجت في وشي
عماله تبكي ياما و هاتصحي فدوه و هي تعبانه
بصلي عم عزوز پغضب و جرب مني
خاېف عليها جوي يا بوو
ضړبني ضربه خفيفه بكفه في جبيني لكن من غيظي منه مسكت في جلاباه قاصد اني اتعارك معاه
ايوه خاېف عليها و انت اكتر واحد خاېف عليها منه اصلا انا بكرهك يا راجل انت و عمري ما ارتحت ليك ابدا
يا زين ما خلفت و ربيت يا نصار ولدك ديب من ضهر ديب عرفت بجي انا عايز ولد ليه
عدي علي ولادتها خمس سنين بحالهم كبرت وعد اللي صممت فدوه تسميها علي اسم امي بعد ما مارديش عم عزوز يسميها هو و لا حتي يشوفها
كنت يدوب لسه شاب صغير داخل اولي ثانوي
و ابوي لما لجاني بدأت اكبر و اشد عودي و مشاكل عزوز معاه مش بتخلص قرر يعلمني كل حاجه
و يعرفني كل صغيرة و كبيره عن شغلهم بس من غير ما حد يعرف
اخدني من يدي و دخلنا الجاعه الخلفيه
في البيت
و دي اصلا ديما مجفولة ماحدش كان يجدر يدخلها غيره هو بس و عشان هي في اخر ممر طويل في البيت و ديما الممر ده ضلمه
ماكنش حد مننا مهتم يروح ناحيتها اصلها كانت جاعة جدي الديب اللي الكل كان بيهابه
قبل ما ندخلها وجفت علي الباب بصراحه خاېف ادخل بصلي ابوي و جالي
مالك يا ولد وجفت ليه
احنا جايين اهنه ليه يا أبوي انت مابتدخلش حد أهنه واصل
اما هاتدخل اهنه هاعرفك كل حاجه تعالي يا
قاسم ما تخاف يا ولدي
دخلنا الجاعه و جفل الباب وراه و بص لسرير جدي عاموده النحاس و جال
و انا في نفس عمرك اكده ابوي جابني اهنه و جالي انت خلاص كبرت و بجيت راجل و لازم تبجي الكبير من بعدي عشان لما الاجل يجي في اي وجت تكون واعي لمالك
و انا بجولهالك دلوقتي لازم تكون واعي لمالك و مال اخواتك من بعدي لازما اتكون ديب زي و زي جدك
انت الكبير من بعدي يا ولدي
اوعاك تهاب حد او تعمل حساب لحد غير ربك
حطها حلجة في ودنك اوعاك تسمع لحد غير نفسك و بس حتي لو تفكيرك غلط بردك انت الصح
كون جاسي علي الكل عشان ېخافو منك لكن اوعاك تظلم يا ولدي و دلوقتي تعال زيح معاي سرير جدك
حركنا انا و هو السرير من مكانه مافيش حاجه تحته غير البلاط
اللي فوجئت با ابويا بيشيله بكل سهوله و
بيفتح باب من تحته
و بيأمرني انزل فيه وراه
نزلت وراه فعلا تلات درجات سلم و مشينا انا و هو سرداب قصير و
