رواية الاختيار خاطئ ممتعه جدا كاملة

أنا معجب بيكي وبحبك أوي يا عالية 
استغربت لما لقيت الرسالة دي مبعوتة من رقم غريب
كنت محتارة أرد ولا لا
سيبتها ومرضيتش أرد وبعد شوية اتبعتت رسالة تانية
نفسي بس تديني فرصة واحدة
بصراحة مقدرتش أمسك نفسي أكتر من كده 
فضولي كان قاتلني أعرف مين اللي بيبعت روحت رديت وبعت
أنت مين
مجهول ياااه أخيرا رديتي...ده أنا مستني ردك

علي العموم أنا مين هتعرفي لما أشوفك بكرة
عالية وأنت بقي متخيل إن هوافق أقابلك
مجهول لا طبعا
أنا اللي هقابلك وهاجيلك لحد عندك علشان تعرفي أنا مين 
أشوفك بكرة بقي..سلام
عالية تيجي فين أنت مچنون
لقيته قفل من غير ما يرد اتعصبت وعملت بلوك
عالية لنفسها ده إنسان مش طبيعي قال هاجيلك قال 
هي ناقصة استظراف وهبل
عالية 20 سنة بتدرس في كلية تربية بنت رقيقة وهادية جدا انطوائية أحيانا والدها مسافر وعايشة هي ووالدتها بس وعندها أخ وأخت أكبر منها متجوزين وعايشين برة مصر 
تاني يوم الصبح عالية جهزت وراحت الكلية
كانت قاعدة هي و ملك زميلتها في الكافتيريا وجاتلها رسالة من رقم جديد
أنا هنا هتلاقيني واقف في مكان بعد الكافتريا ب شوية متتأخريش و علي فكرة لو مجيتيش هجيلك أنا 
و أه إبقي شيلي البلوك...سلام 
عالية اتوترت و خاڤت أكتر كانت فاكرة إنه حد بيهزر وخلاص وانها خلصت منه
ملك في إيه يا بنتي مال وشك مخطۏف كده ليه
عالية هااا لا مفيش حاجة
ملك بشك متأكدة
عالية أه
عالية وملك اتصاحبوا من فترة قصيرة اتعرفت عليها في الكلية بس لسة مبقيتش صاحبتها أوي لدرجة إنها تحكيلها كل حاجة خاصة بيها و لسة مش متعودة عليها
عالية كانت سرحانة مش عارفة تعمل إيه
خرجت من تفكيرها لما شافت مازن وده شاب معاها في نفس الكلية بس أكبر منها ب سنتين
بالنسبالها شاب وسيم و كاريزما وحاجة كده زي بتوع المسلسلات التركي و وبنات كتير ھتموت عليه...
بس في نفس الوقت بتقعد تفوق نفسها من الوهم 
اللي عايشاه و عارفة ان عمره ما يسيب كل البنات اللي حواليه ويعجب بيها هي
بتحاول كتير تمنع نفسها من التفكير فيه علشان متتعلقش بيه أكتر...بس مش بتقدر 
و علشان كده مش حابة ترتبط بحد تاني ورافضة الفكرة دي وبتتحجج بالكلية
عالية خدت حاجتها وقررت تقعد مع نفسها في مكان تاني بعيد علشان متفكرش فيه
طلعت الكتب وكانت بتراجع المحاضرة لحد لما ملك تخلص ويروحوا مع بعض
عالية كانت مركزة في المحاضرة وفاجأة لقيت اللي بيقول
كنت عارف إنك مش جاية فقولت أجي أنا
عالية پصدمة أنت 
يتبع....
الفصل الثاني
عالية پصدمة أنت
ممكن أعرف حضرتك بتعمل إيه هنا وتقصد إيه بكلامك
سكتت شوية وبعدها قالت بنرفزة هو أنت اللي...
و قطع كلامها مازن
مازن ممكن تهدي وأنا هفهمك كل حاجة
أيوة أنا اللي ببعتلك الرسايل يا عالية
عالية بتلم حاجاتها وماشية ومازن وقف في طريقها
مازن أنا بحبك يا عالية ونفسي بجد تديني فرصة واحدة
عالية إيه اللي بتقوله ده أنت مچنون
مازن أنا مچنون بيكي وبحبك فوق ما تتخيلي
عارف إنك اتفاجئتي بكلامي و كمان عارف نظرتك عني بس رغم كل ده مقدرتش امنع نفسي من إن أصارحك بمشاعري
عالية سكتت و معرفتش ترد
مازن أنا مش عايزك تردي عليا دلوقتي
خدي وقتك و فكري..سلام
وسابها ومشي
عالية كانت طايرة من الفرحة مش مصدقة اللي حصل
و بتقول لنفسها معقول طلع بيحبني ومعجب بيا زي ما أنا معجبة بيه
حاسة إن أنا في حلم جميل ومش عايزة أصحي منه
وبعد شوية ملك جات
ملك لا إنتي حالتك غريبة أوي النهاردة من كام ساعة كنت حساكي خاېفة وكأن في حاجة ودلوقتي بتضحكي مع نفسك وفرحانة أوي
طب ما تفرحيني معاكي يا ستي
عالية بفرحة ما إنتي لو عرفتي اللي أنا فيه هتفهمي
و تعذريني
أنا مبسوطة و فرحانة أوي يا ملك
ملك يا ستي ربنا يسعدك ويفرحك كمان وكمان بس ممكن أعرف بقي إيه سر الضحكة دي
عالية هحكيلك
وفعلا قالت لملك علي كل حاجة وملك ساكتة مش عارفة تفرح ولا تزعل
عالية مالك ساكتة كده ليه
ملك خاېفة أتكلم تزعلي من كلامي أو ميعجبكيش
عالية قولي يا ملك علي طول
ملك عالية انتي عارفة اني بحبك وبخاف عليكي بس بلاش اللي اسمه مازن ده
ده بتاع بنات ومغرور وإنتي نفسك عارفة كده كويس
عالية انا معاكي بس أكيد هيتغير مع الوقت وهتشوفي
ملك مفيش حد بيتغير من يوم وليلة بس مع