رواية جميلة كامله بقلم ميرو محمد

النهارده فرح سلفي والبيت كله مليان ناس كلنا مبسوطين اخيرا حازم هيتجوز بعد ما عدى ال 35 سنه اخيرا في واحده اقنعته بيها اخيرا البيت كله فرحان وحماتي فرحانه وحمايا فرحان كلنا مبسوطين جدا.....
انا كوثر وعندي 38 سنه متجوزه من 20 سنه اتجوزت صغيره شويه لكن اراده ربنا اني مخلفش لحد دلوقتي الدكاتره اجمعوا ان احتمال اننا نخلف ضعيف جدا وانا خلاص شيلت الموضوع من دماغي لأن سني كبر ما بقتش مستحمله عمليات ولا ادويه تاني سلمت امري لربنا كان نفسي ابقى ام و احس بطعم الامومه بس ربنا عاوز كده الحمد لله على كل حال

النهارده فرح سلفي الوحيد جوزي ما عندوش اخوات غير هو...
اخيرا بيتنا هيخش له فرح بدل الكآبه اللي احنا عايشين فيها على طول ....
_ ايه القمر ده يا كوثر انتي حلوه قوي النهارده
ما تكسفنيش بقى يا حسام انا حاسه ان الفستان بتاعي شكله مش حلو
_ بالعكس انتي زي القمر النهارده ده انتي كده هتغطي على العروسه بقى
ضحكت وكملت لبسي ولفيت الطرحه وخدني ورحنا عالفرح...
اتفاجئنا هناك ان العروسه لابسه فستان مكشوف من كل حته والغريب ان حازم كان راضي ومبسوط مع انها محجبه في الحقيقه انا قلت في بالي يمكن فرحانه وعروسه عايزه تفرح لكن من اول الفرح لما جيت اسلم عليها لقيتها بتسلم على من طراطيف صوابعها استغربت جدا خصوصا ان هي في ايام الخطوبه ما كانتش كده خالص هي هتبديها ولا ايه.....
الفرح خلص وكلنا روحنا البيت وكل واحد طلع علي بيته تاني يوم الصبح نزلت عند حماتي احضر الفطار وخبطت عالعريس عشان محضرينله فطار حلو وخليت حسام يجي معايا عشان كنت محرجه لانهم عرسان جداد اول ما خبطنا لقينا سلفتي فتحت الباب بهدوم مكشوفه قدام جوزي لقيته دور وشه وهي واقفه ولا كأن فيه راجل قدامها ...
_ احنا جينا نجيبلكم فطار صباح الخير
شكرا تعبتوا نفسكم ...
وخدت الفطار وقفلت الباب....
_ هي ايه الي عملاه في نفسها ده ياكوثر ...
تلاقيها مخدتش بالها يا حسام عروسه جديده بقي ...
قولت الم الموضوع لا يفتكرني غيرانه منها ولا حاجه.....
عدا اسبوع والتاني وانا الي بنزل لحماتي اخدمها واعملها الاكل وهي مش........ يتبع
الجزء_الثاني
عدا اسبوع والثاني وانا الي بنزل لحماتي اخدمها واعملها الاكل وهي مش بتمد ايديها في اي حاجه بتنزل بليل كده شويه تقعد معانا ربع ساعه وتطلع تاني
وفيوم لقيتها نازله شبه عروسة المولد وحاطه ميكب مغرقه وشها لقيت حماتي بتقول
_ايه الي حطاه في وشك ده يابسنت ....
_مالي حطه ميكب ..
_بس مش كتير شويه انتي نازله لحماتك مش رايحه لفرح
لقيتها زعلت ووهتطلع حماتي ندهتها وقالتلها ..
_اعملي حسابك من بكره هتنزلي من الصبح تساعدي كوثر مش هنشيلها هي البيت لوحدها .
طلعت فوق ومردتش عليها وفضلت يومين مختفيه وحماتي مبقتش طيقاها خالص وزعلانه عليا .
_هو انا قصرت معاكي في حاجه ياماما عشان تنزلي تساعديني .
_لاء بس مش هتبقي شايله البيت لوحدك وفيه واحده تانيه في البيت
_خلاص ياماما سبيها برحتها
لقيناها نازله بعد اربع ايام والفرحه علي وشها وبتقولنا باركولي انا شكلي كده حامل اعقبالك ياكوثر.
لقيت حماتي بټعيط من الفرحه وبتحضنها وهي بتصلي كائنها بتواسيني 
انا اتقهرت مش عشان انا مش فرحانه زعلت اوي عشان انا مبحبش اصعب علي حد ....
دخلت المطبخ اكمله وسمعت حماتي بتقولها ...
_اوعي تتحركي من مكانك حتي شقتك كوثر ال هتنضفهالك كل يوم ..
لا ياماما مش عاوزا اتعبها ...
_تعب ايه دي كوثر هتفرحلك اكتر مني
بصراحه اتعصبت وطلعت بره المطبخ علي شقتي هو انا هعمل ايه ولا ايه انا هقدر اخدم حماتي وبيتي وبيت سلفتي كمان لله الامر من قبل ومن بع ....
نمت بليل وصحيت علي تلفون حماتي 
_يلا ياكوثر قومي جهزي الفطار عشان سلفتك لازم تتغذي 
_حاضر ياماما 
لقيت حسام صحي 
_في ايه بتقومك بدري كده ليه
انا ملحقتش احكيلك بسنت تقريبا حامل ومامتك قالتلها ترتاح وانا الي هعمل كل حاجه فالبيت وفشقتها
_ليه هما اشتروكي مش هتعملي حاجه هي حامل متشلتش 
ونزل لمامته وهو متعصب وفضل يزعق وانا اهدي فيه ..
حماتي زعلت مني افتكرت مسخناه ..
مشي راح شغله وانا قعدت افهمها انها فهمت غلط وعشان اثبتلها